出版社：Galician Institute of Analyses and International Documentation, IGADI
摘要：Para calquera observador atento ao complexo desenvolvemento do dilatado conflito do Sáhara Occidental constitúe unha evidencia indiscutible constatar que tan labo- riosa e complexa resulta a análise da tortuosa senda pola que discorreron as diferen- tes negociacións e contactos bilaterais establecidos (1) , como simple a facilidade coa que pode verificarse o escaso resultado práctico dos esforzos levados a cabo nese sentido. Logo de anos de contactos, conversas e debates, sen respostas, a solución segue sen- do tan pouco factible como o primeiro día e, polo mesmo, afástase e dilátase, por moito que todas as partes coincidan en valorar que o statu quo establecido (2) non parece garantir ningún avance significativo nun próximo futuro. Un panorama que todos os implicados din querer cambiar pero que ninguén intenta modificar, ante a posibilidade de que as solucións adoptadas prexudiquen, de modo imprevisto, ás distintas partes interesadas; que non son tan só as máis directamente afectadas, senón outras varias que non se senten alleas, en absoluto, ao futuro da rexión (3) . Semellara como se as palabras pronunciadas non fosen enunciadas para propiciar o diálogo e o entendemento senón buscando construír unha tea de ara.a cada vez máis tupida e enmara.ada, tecida de auto xustificacións e desacordos, na que perderse entre equívoco e sobreentendidos
