出版社：Galician Institute of Analyses and International Documentation, IGADI
摘要：Desde os inicios da súa constitución, a Unión Europea asume a cohesión territorial e a redución das asimetrías intra-comunitarias como obxectivos principais na implementación de accións e políticas. En consecuencia, ao longo dos últimos 20 anos os diversos programas de cooperación transfronteiriza foron instrumentos fundamentais no desenvolvemento desa mesma cohesión territorial, potenciando as relacións de proximidade e buscando solucións comúns para problemas e obstáculos sim ilares cos que se atopan cidadáns e administracións nas zonas fronteirizas (MOT, 2010). A Eurorrexión Galicia-Norte de Portugal soubo comprender as expectativas da Unión Europea e, a través de iniciativas como a constitución do Eixo Atlántico (1) ou o aprovei- tamento das oportunidades de investimento xeradas polo programa INTERREG (Caramelo, 2007), deixou patente que hoxe é un exemplo de cooperación transfronteiriza fortalecida polo establecemento e consolidación de redes de información e interconexión
