出版社：Servicio de Publicaciones de la Universidad Complutense
摘要：O percurso histórico da recepción crítica da produción rosaliana pasa polas controvertidas aportacións de Emilia Pardo Bazán, cuxo contributo consolida un proceso de canonización que, malia as aspiracións de Manuel Murguía e da propia Rosalía de Castro, perpetra unha daniña e perniciosa interpretación da obra da poeta galega. Neste artigo, analizamos unha peza que foi clave na configuración do canon literario galego, abordándomos tamén os distintos elementos que condicionaron a postura da Condesa, as razóns da acerba polémica mantida co historiador compostelán e mais o escenario que esta situación deixou tras de si.
