摘要：Encetamos o undécimo ano da Linguamática cun volume de cinco artigos cunha maquetación adaptada aos estándares máis recentes de edición científica académica. O novo deseño para as contribucións da revista salientará mediante recursos tipográficos específicos o código ORCid dos asinantes dos artigos e o identificador DOI das referencias bibliográficas incluídas. Outra mellora menos evidente para os lectores da revista atinxe ao proceso de revisión por pares seguido para a selección dos artigos aceptados para publicación. A partir deste volume, o sistema de revisión será continuo, isto é, as propostas de artigos enviadas á revista serán enviadas aos revisores do comité científico no momento en que se reciban, facilitando así unha xestión máis fluída do proceso de avaliación. Esperamos que estes cambios contribúan a consolidar a Linguamática como revista científica de referencia e foro privilexiado de comunicación no ámbito das tecnoloxías lingüísticas das nosas linguas peninsulares.
