出版社：Galician Institute of Analyses and International Documentation, IGADI
摘要：Naceu pobre, chegou a pasar fame. De familia de emigrantes que abandonaron
o estado de Pernambuco, no Nordeste do Brasil, para buscar emprego
no prometedor estado industrial de Sao Paulo, Luiz Inácio fixo un curso
técnico de torneiro mecánico na xuventude e comezou a traballar ben cedo na industria
metalúrxica. Perdeu un dedo da man, perdeu moitas outras cousas máis. Logo
entrou no sindicato, a defender as causas obreiras contra o réxime militar brasileiro.
En 1979 fundou o Partido dos Traballadores. Desde entón a súa traxectoria foi en
ascenso, mais non en liña recta. Aspirou 4 veces á presidencia no Brasil: perdeu con
Collor de Melo, arauto do neoliberalismo no país, perdeu con Fernando Henrique
Cardoso dúas veces. Gañou finalmente na cuarta, sen dúbida orientado pola perseverancia
do seu carácter de nordestino.
